Памёр Уладзімір Андрэенка
Пра смерць дырэктара Магілёўскага абласнога тэатра лялек паведаміў 25 лютага тэлеграм-канал Міністэрства культуры.
«Уладзімір Андрэенка ўнёс значны ўклад у развіццё культуры Магілёўшчыны, спрыяў развіццю тэатральнага мастацтва рэгіёна. Пры яго кіраўніцтве калектыву тэатра прысвоена званне «Заслужаны», — гаворыцца ў паведамленні.
Да Магілёўскага абласнога тэатра лялек Уладзімір Андрэенка ўзначальваў у Магілёве дзіцячую музычную школу № 5.
Летась Лукашэнка ўзнагародзіў яго медалём Францыска Скарыны.