Забароны на экспарт у Беларусь пашырыла Паўднёвая Карэя
24 лютага ўрад Паўднёвай Карэі пашырыў экспартныя абмежаванні і забараніў пастаўкі ў Беларусь і Расію 741 тавару, уключаючы аўтамабілі, якія могуць быць выкарыстаныя ў якасці зброі.
Раней у абмежавальным спісе было 57 пазіцый, цяпер ён павялічыўся да 798.
Сярод карэйскіх тавараў, якія трапілі пад забарону на экспарт:
- абсталяванне для перапрацоўкі нафты і газу,
- станкі,
- падшыпнікі і цеплаабменнікі,
- квантавыя камп'ютары,
- аўтамабілі коштам больш за 50000 даляраў,
- вырабы са сталі (уключаючы нержавеючую сталь),
- некаторыя хімічныя прадукты, такія як талуол.