«Павышае баявы дух нацыстаў». Дэпутата з КПРФ, які слухаў Пуціна з локшынай на вушах, прапанавалі адправіць на фронт
У расійскага дэпутата Міхаіла Абдалкіна з Самары — праблемы. Яго выклікаюць у паліцыю, а калегі па КПРФ прапануюць выключыць з партыі і наогул адправіць на фронт за тое, што ён слухаў прамову Пуціна з локшынай на вушах.
Камітэт Самарскай губернскай думы па рэгламенце назваў паводзіны Міхаіла Абдалкіна недапушчальнымі.
«Гэтую рэч тыражуюць, што, напэўна ж, павышае баявы дух нацыстаў. Ці не дапамога гэта ворагу?» — сказаў аднапартыец Абдалкіна Уладзімір Дуцаў.
Кіраўнік жа самарскай фракцыі ЛДПР Сцяпанаў прапанаваў адправіць Абдалкіна на вайсковую службу.
Камітэт Самарскай губернскай думы па рэгламенце прапанаваў выключыць Абдалкіна з партыі. Фракцыя КПРФ яшчэ не прыняла рашэнне.
Сам Абдалкін паведаміў, што 1 сакавіка яго выклікалі ў паліцыю.