У Мінску закрываецца кавярня Blur
Інфармацыю пра закрыццё ўстановы паведаміла яго адміністрацыя ў інстаграме.
Фота: blur_cafe / Instagram
«Мы прымаем эстафету ад калег і паведамляем, што гісторыя праекта Blur па адрасе Незалежнасці, 34 завяршаецца», — напісалі ўладальнікі ў сацсетках.
Яны падзякавалі ўсім, хто браў удзел у жыцці або стварэнні кавярні, а таксама сваім гасцям.
Фота: blur_cafe / Instagram
«Не страшна заставацца ў памяці праектам, які любілі. Для ўсіх людзей, якія бралі ў ім удзел, ён запомніўся розным, для кагосьці — такім, як на фота, дзе мора сонечнага святла і дзе мы з радасцю сустракалі першых гасцей», — напісана ў пасце.
Меркаваны апошні дзень працы кавярні — 27 сакавіка.