Магчыма, затрыманы аналітык Андрэй Паротнікаў
Пра затрыманне Андрэя Паротнікава «Нашай Ніве» паведаміў яго знаёмы. Але мы пакуль не маем пацвярджэння гэтай інфармацыі з другой крыніцы.
Са слоў знаёмага, Паротнікава затрымалі ў Маскве некалькі дзён таму. Цяпер яго даставілі ў Мінск. Па меркаванні гэтага чалавека, Паротнікаў цяпер знаходзіцца ў СІЗА КДБ.
Апошнія допісы ў фэйсбуку аналітыка датуюцца 7 сакавіка.
Андрэй Паротнікаў быў выхадцам з Міністэрства ўнутраных спраў. Пасля звальнення з МУС ён займаўся незалежнай аналітыкай на тэмы бяспекі і сілавых структур.
Калі вы ведаеце пра гэта больш, пішыце рэдактару «Нашай Нівы» ў ТГ, на nivanasha@gmail.com ці nivanasha@proton.me.
Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).