Ёсць ідэі і няма грошай? Стартаваў конкурс міні-грантаў для беларускіх арганізацый, ініцыятыў і актывістаў у Польшчы
Беларускі моладзевы хаб у Варшаве абвясціў вясновы конкурс міні-грантаў для беларускіх арганізацый, ініцыятыў і актывістаў у Польшчы. Праект рэалізуецца пры падтрымцы амбасады Нідэрландаў у Польшчы.
Вы маеце ідэю, якую хацелі б рэалізаваць на карысць Беларусі ці для беларусаў у Польшчы?
Падзяліцеся вашай ідэяй і атрымайце фінансавую і кансультацыйную падтрымку для яе рэалізацыі!
Дэдлайн падачы заявак: 10 красавіка 2023 г. (да 23:59)
Вынікі конкурсу будуць абвешчаныя 17 красавіка 2023 года.
Найлепшыя атрымаюць фінансавую падтрымку ў памеры да 1000 злотых для рэалізацыі ідэі, а таксама неабходныя кансультацыі спецыялістаў.
Для ўдзелу ў конкурсе трэба запоўніць заяўку па спасылцы.
Пытанні і ўдакладненні па конкурсе можна адпраўляць на электронную пошту konkurs@bmhub.org.