ЗША ацэньваюць расійскія страты ў вайне ў 220 тысяч вайскоўцаў
Міністр абароны Вялікабрытаніі Бэн Уолес прывёў апошнюю ацэнку ЗША расійскіх страт у вайне з Украінай.
ЗША ацэньваюць расійскія страты прыкладна ў 220 тысяч вайскоўцаў параненымі і забітымі, сказаў ён.
Уолес назваў гэтую лічбу на сумеснай прэс-канферэнцыі пасля сустрэчы з міністрам абароны Швецыі Полам Ёнсанам.
Асноўная частка канферэнцыі была прысвечаная далучэнню Швецыі і Фінляндыі да НАТА, і Уолес таксама выказаўся аб практыцы ваеннага прызыву, якая збольшага працягнулася ў гэтых краінах пасля сусветных войнаў.
«Я думаю, мы ўсе зайздросцім Швецыі і Фінляндыі з іх запасамі рэзервістаў», — сказаў ён.
«І я думаю, мы павінны прызнаць, што адзін з урокаў вайны ва Украіне заключаецца ў тым, што мы павінны стаць мацнейшымі. А гэта шмат у чым залежыць ад рэзерваў», — сказаў Уолес, дадаўшы, што з задавальненнем бы ўбачыў падобную сістэму і ў Брытаніі.
Чытайце таксама:
Мінабароны Вялікабрытаніі: Расійскія войскі вяртаюцца да абароны пасля няўдалага наступу на Бахмут
Сакратар Рады нацыянальнай бяспекі і абароны Украіны: Бахмут для нас з'яўляецца ключавым пунктам
Расіяне прасунуліся пад Бахмутам, але не могуць наступаць у іншых кірунках — брытанская разведка