Летась на чыгунцы загінула 60 чалавек
У 2022 годзе ў выніку няшчасных выпадкаў на чыгуначных станцыях, прыпыначных пунктах і перагонах пацярпела 99 чалавек, з якіх 60 — загінулі, паведамляе прэс-служба МУС.
За першы квартал бягучага года зафіксавана 17 такіх здарэнняў, у тым ліку 13 са смяротным зыходам.
Паводле інфармацыі ведамства, у апошнія гады назіраецца зніжэнне колькасці пацярпелых. Ва ўсіх выпадках атрыманню траўмаў на аб'ектах чыгуначнага транспарту папярэднічала парушэнне пацярпелымі мер асабістай бяспекі.
Чытайце таксама:
У Смалявічах хуткасны цягнік насмерць збіў дзяўчынку