У Магілёве пенсіянер упаў у калодзеж і не змог выбрацца — дапамаглі ратавальнікі
Здарэнне адбылося 10 красавіка на тэрыторыі прыватнага дома па вуліцы Заводскай.
Фота: МНС
У 19.15 у службу ратавання патэлефанавала жанчына, якая распавяла, што яе муж зваліўся ў калодзеж і сам выбрацца адтуль не можа. Аказалася, што мужчына зваліўся ў цагляны калодзеж глыбінёй 2,5 метра з вадамерным вузлом.
Ратавальнікі з дапамогай альпінісцкага рыштунку дасталі з калодзежа 77-гадовага пенсіянера.
Мужчына з траўмамі рознай ступені цяжкасці шпіталізаваны, паведамляе МНС.
У Салігорску па вуліцы бегаў голы мужчына
Трое работнікаў аўтамыйкі трапілі ў рэанімацыю пасля мыйкі цыстэрны