Кацярыну Шуст, затрыманую разам з уладальнікам гродзенскай «Цудоўні», вызвалілі
Па сведчаннях гродзенскіх праваабаронцаў, сёння прадпрымальніцу Кацярыну Шуст дастаўлялі ў РАУС, але цяпер яна ўжо на волі.
Уладальнік мясцовай этнакрамы «Цудоўня» Андрэй Несцяровіч быў затрыманы 14 красавіка ў Гродне. Кацярыну Шуст затрымлівалі разам з ім.
Актывістка і прадпрымальніца, вядомая праектам беларускамоўнай крамы для дзяцей, у сакавіку ўжо была арыштаваная. Яе асудзілі на 10 сутак адміністрацыйнага пакарання за «распаўсюджванне экстрэмісцкіх матэрыялаў» і нібыта рэгістрацыю ў плане «Перамога».
Чытайце таксама:
За рэпосты затрымалі сакратара БРСМ, які працуе юрысконсультам у сельскагаспадарчым комплексе