Пад Оршай загарэўся прыдарожны гатэль

У ноч з 14 на 15 красавіка адбыўся пажар у будынку гатэльна-стаяначнага комплексу «М1» у вёсцы Юрцава Аршанскага раёна. Гэты комплекс стаіць пры міжнароднай трасе М1 Масква — Брэст (так званай «алімпійцы»).

Гатэльна-паркінгавы комплекс «М1» у Юрцаве. Фота: ostrovok.ru

У 1:09 пажарным паступіла паведамленне аб загаранні ў памяшканні кухні на першым паверсе двухпавярховага цаглянага будынка гатэльнага комплекса на Магістральнай вуліцы.

Пажарнікі, якія прыбылі на месца, эвакуявалі са спальных нумароў другога паверха гатэля трох жыхароў.

У выніку пажару ў памяшканні кухні агнём былі пашкоджаныя маёмасць і аздабленне памяшкання, а таксама былі закураныя сцены ў памяшканні гатэля.

Людзі падчас пажару не пацярпелі, паведамляе прэс-служба МНС.

Чытайце таксама:

У Горацкім раёне пяцікласнік і трэцякласнік забаўляліся тым, што палілі салому на гарышчы хлява. У выніку хлеў згарэў

Зараднае прыстасаванне спаліла кватэру ў Мінску

У Столінскім раёне на школьніку загарэлася адзенне. Ён у рэанімацыі

Каментары да артыкула