У Мінску кіроўца чатыры гады цягаў з машыны малочную прадукцыю
У Мінску міліцыя затрымала 29-гадовага кіроўцу завода. Ён падазраецца ў выкраданні прадукцыі на працягу чатырох гадоў, паведамляе ГУУС Мінгарвыканкама.
Схема, якую раскрыла міліцыя, была вельмі простай. Кіроўца прадпрыемства атрымліваў на складзе прадукцыю і развозіў яе ў розныя гандлёвыя аб'екты згодна з маршрутнымі лістамі. Але па дарозе забіраў з партый па некалькі пазіцый: глазураваныя сыркі, малако, тварог, кефір, сыр.
Калі ў гіпермаркетах пры прыёмцы тавару недалічваліся гэтых пазіцый, то ўпісвалі гэтыя звесткі ў зваротную накладную. Кіроўца дакумент прымаў, але кіраўніцтву не перадаваў.
Так працягвалася з 2019 па 2022 год. За гэты час, як сцвярджаецца, малады чалавек выкраў малочных прадуктаў больш чым на 6200 рублёў.
Распачатая крымінальная справа аб прысваенні.
Чытайце таксама:
У Рагачове трохгадовая дзяўчынка выпала з 4-га паверха. Яна жывая
Пад Магілёвам для затрымання падазраванага ў забойстве АМАП штурмаваў лецішча
«Парушае асабістыя межы». Мужчына разбіў нунчакамі камеры відэаназірання ў Кобрыне