Вынеслі прысуд шматдзетнай маці, у якой на пажары загінулі двое дзяцей
Трагедыя здарылася ў снежні ў Жыткавіцкім раёне.
Жанчына была ў дэкрэтным адпачынку і жыла ў свякрухі з чатырма дзецьмі. Аднойчы ноччу яна выйшла на веранду дома і закурыла. Затым кінула недапалак у кут, дзе стаялі канапа і драўляны куфар, і пайшла спаць.
Раніцай яна ўбачыла пажар на кухні, схапіла дачку і сына і выбегла з імі на вуліцу. Адвяла дзяцей да суседзяў, а потым вярнулася яшчэ за двума дзецьмі трох і чатырох гадоў. Аднак агонь, які ўжо ахапіў веранду, не дазволіў ёй увайсці ў дом.
Ратавальнікі патушылі агонь і вынеслі яе мёртвых дзяцей — яны памерлі ад вострага атручвання чадам.
На судзе жанчына прызнала сваю віну і раскаялася.
Суд даў ёй тры гады калоніі-пасялення.
Чытайце таксама:
Мужчына атрымаў апёкі, выпальваючы сухую траву на могілках
Рэзкі парыў ветру. 10-гадовы хлопчык атрымаў моцныя апёкі ад вогнішча