Паліну Шарэнда-Панасюк зноў будуць судзіць
Суд над палітзняволенай Палінай Шарэнда-Панасюк можа пачацца 16 мая ў Рэчыцы, паведаміў яе муж Андрэй Шарэнда.
«Дата вызвалення была прызначаная на 6 жніўня 2023 года, але цяпер усе тэрміны сцерліся», — напісаў ён.
Крымінальная справа заведзеная зноў па частцы 2 артыкула 411 КК («злоснае непадпарадкаванне патрабаваннем адміністрацыі папраўчай установы»). У красавіку Паліна атрымала яшчэ адзін год калоніі па такім жа артыкуле.
Паліну Шарэнда-Панасюк затрымалі ў пачатку студзеня 2021 года і затым асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі.
Чытайце таксама:
Палітзняволеную Шарэнда-Панасюк за два з паловай месяцы чацвёрты раз упяклі ў ШІЗА