Гіганцкі пажар у Севастопалі. Украінскі беспілотнік знішчыў рэзервуары на армейскай нафтабазе
Губернатар акупаванага Севастопаля Міхаіл Разважаеў паведаміў ноччу 29 красавіка, што на беразе Казацкай бухты гараць рэзервуары з палівам. Прычынай пажару, па яго словах, стала траплянне беспілотніка, паведамляе «Украінская праўда».
«Гарыць рэзервуар з палівам у раёне вуліцы братоў Манганары ў Казацкай бухце. Паводле папярэдняй інфармацыі, узгаранне адбылося праз траплянне БПЛА. На месцы працуюць усе неабходныя спецслужбы. Плошча пажару каля 1000 кв м, пажару прысвоены 4 клас», — напісаў ён.
Пазней расійскія ўлады паведамілі, што знішчаныя чатыры рэзервуары.