Канцэрт арганнай музыкі — у мінскай архікатэдры
14 лістапада ў мінскай архікатэдры Імя Найсвяцейшай Панны Марыі (плошча Свабоды, 9) у межах IV Фестывалю духоўнай музыкі ў гонар святой Цэцыліі адбудзецца канцэрт арганнай музыкі ў выкананні Эрыка Матца (Германія).
Успамін святой Цэцыліі, панны і мучаніцы, прыпадае на 22 лістапада. Захавалася паданне пра тое, што Цэцылія праслаўляла Бога спевам і ігрою на музычных інструментах, таму яна лічыцца апякункаю касцёльнай музыкі і спеваў, а таксама музыкантаў і спевакоў.
Канцэрт распачнецца ў 19.30. Уваход вольны.