Кіроўца BMW не справіўся з кіраваннем і ўехаў у грузавік. Аўто ўсмятку
Аварыя адбылася сёння ранкам у Мінску па вуліцы Налібоцкай паблізу дома № 10.
Фота тут і далей: мінская ДАІ
28-гадовы кіроўца BMW не справіўся з кіраваннем. Яго занесла, і ён уехаў у прыпаркаваны грузавік Iveco. Той ад удару зрушыўся наперад і ў сваю чаргу наехаў на аўто Citroen.
Кіроўца BMW, а таксама 43-гадовы пасажыр былі дастаўленыя ва ўстанову аховы здароўя для абследавання. На месцы здарэння працавалі супрацоўнікі аддзела ДАІ Фрунзенскага РУУС Мінска, брыгада хуткай медыцынскай дапамогі, паведамляе ДАІ.