Ці павысяцца цэны на навучанне ў БДУ для платнікаў? Рэктар адказаў на пытанне мудрагеліста
Рэктара БДУ Андрэя Караля наўпрост спыталі на СТБ, ці вырастуць сёлета цэны на навучанне. Вось што ён адказаў.
Рэктар БДУ Андрэй Кароль. Кадр з відэа
«Кошт навучання прывязаны да пэўнай рацыі, да пэўнай кухні, ён не можа ні ўпасці, ні вырасці па сваім жаданні. Усё мае выразную прывязку, і ў суадносінах з нашымі ўнутранымі выдаткамі на падрыхтоўку спецыяліста. У роўнай ступені мы, вядома ж, улічваем і арыентуемся на канкурэнтнасць з пункту гледжання нашых найбліжэйшых партнёраў, якія таксама могуць прыняць гэтых абітурыентаў», — адказаў на пытанне Кароль.
Нават вядучая СТБ не вытрывала.
«Прыгожа сышлі ад адказу, прыгожа», — сказала яна.
«Чаму? Магу адказаць адным словам», — запярэчыў Кароль. І адказаў: «У цэлым, не».
Чытайце таксама:
У склад дзяржаўнай экзаменацыйнай камісіі журфаку БДУ ўключылі адыёзных прапагандыстаў
Пракуратура расказала, чаму прызналі «экстрэмісцкімі» паблікі «чайлдфры»