У Гомелі юрысту далі два гады калоніі за каментары
Гомельскі абласны суд 23 мая завяршыў разгляд крымінальнай справы юрыста-прадпрымальніка Дзмітрыя Багачэнкі. Яго абвінавацілі ў распальванні іншай сацыяльнай варожасці альбо варажнечы паводле ч. 1 арт. 130 КК.
Юрыдычная кансультацыя Дзмітрыя Багачэнкі
Судовы працэс, які пачаўся яшчэ 27 красавіка, вёў суддзя Руслан Царук, піша «Вясна».
Сутнасць абвінавачання і акалічнасці справы, апроч таго, што Дзмітрый пакідаў у сацыяльных сетках каментары, праваабаронцам пакуль невядомыя.
Суд прызнаў 45-гадовага прадпрымальніка вінаватым і пастанавіў пакараць яго двума гадамі калоніі.
Цяпер з 1525 чалавек, якіх праваабаронцы лічаць палітычнымі зняволенымі, 275 асуджаны менавіта паводле артыкула 130 Крымінальнага кодэкса.
Чытайце таксама: