У Германіі злодзей украў у беларуса-дальнабойніка груз, разрэзаўшы тэнт фуры
У нямецкай камуне Мерэнберг зямлі Гесэн, непадалёк ад Франкфурта, беларускі кіроўца грузавіка стаў ахвярай невядомага злодзея. Пра гэта піша сайт «Беларусь і свет» на падставе паведамлення мясцовай паліцыі.
Фото: innenministerium.bayern.de
Інцыдэнт адбыўся ў ноч на чацвер 8 чэрвеня, у прамежак часу з 01:00 да 07:00. Пакуль кіроўца спаў, прыпаркаваўшы фуру на стаянцы на вуліцы Даймлерштрасэ, зламыснік прарэзаў адтуліну ў тэнце паўпрычэпа і выцягнуў з яго частку грузу.
Паводле папярэдніх звестак, злачынцам мог быць мужчына, апрануты ў чорную куртку, сінія джынсы, шэрую бейсболку і карычневыя чаравікі з белымі шнуркамі. Паліцыя просіць магчымых сведак падзяліцца інфармацыяй для вышуку і затрымання правапарушальніка.
Чытайце таксама:
У Германіі беларус загінуў, вучачы дзяўчыну плаваць на возеры