Палітвязня Уладзіміра Кнігу будуць судзіць па новай крымінальнай справе
Стала вядома, што ў Жодзіне 29 чэрвеня адбудзецца суд над фігурантам «справы Ціханоўскага» Уладзімірам Кнігам паводле арт. 411 КК (Злоснае непадпарадкаванне законным патрабаванням адміністрацыі калоніі), як паведамляе «Вясна».
Кніга — былы сілавік, валанцёр каманды Святланы Ціханоўскай. Яго асудзілі паводле двух артыкулаў Крымінальнага кодэкса. 2 чэрвеня 2021 года пасля доўгага судовага працэсу ў гродзенскім судзе Уладзіміру прысудзілі 4 гады калоніі ва ўмовах строгага рэжыму. Пазней палітвязню ўзмацнілі рэжым і перавялі ў жодзінскую турму.
Справу будзе разглядаць суддзя Іван Грынкевіч, ён жа нядаўна асудзіў паводле гэтага артыкула і Сяргея Ціханоўскага.
Чытайце таксама:
Сайт гомельскага выдання «Флагшток» заблакавалі на тэрыторыі Расіі