У Беларусі заступіў на баявое дзяжурства новы С-400
Мінабароны паведаміла, што ў Беларусі на баявое дзяжурства заступіў зенітны ракетны комплекс С-400 «Трыумф».
Фота: Юлія Кібік / Ваяр
«На баявое дзяжурства заступіла падраздзяленне, на ўзбраенні якога знаходзяцца сучасныя, самыя дасканалыя зенітныя ракетныя комплексы С-400», — цытуе прэс-служба Мінабароны камандуючага ВПС і СПА Андрэя Лук'яновіча.
Па словах Лук'яновіча, асабовы склад дывізіёна прайшоў навучанне, асвоіў комплекс, адпрацаваў навыкі на расійскім палігоне Капусцін Яр і гатовы выконваць задачы.
Фота: Юлія Кібік / Ваяр
С-400 «Трыумф» — экспартная версія расійскага зенітнага ракетнага комплексу С-400. Гэта галоўны ЗРК расійскай арміі. З мінулага года яго выкарыстоўваюць і беларускія ўзброеныя сілы.
Новы комплекс прыбыў у Беларусь у канцы мая, тады ж паведамілі пра яго хуткае заступленне на баявое дзяжурства.
Чытайце таксама:
Міністр Хрэнін прыйшоў на сустрэчу з Лукашэнкам з ядзернай бомбай