У Краснадарскім краі каля вайсковага аэрадрома прагучаў выбух
Побач з аэрадромам у Прыморска-Ахтарску ў Краснадарскім краі адбыўся выбух. На месцы ўтварылася вялізная варонка.
Варонка ад выбуху. Фота: канал «База»
Па даных «Базы», памер варонкі — 10 метраў у дыяметры і каля чатырох метраў глыбінёй. Выбух адбыўся за 200 метраў ад мясцовага аэрадрома. Што стала яго прычынай — пакуль невядома.
Пацярпелых і разбурэнняў няма. Гэта пацвердзіў і губернатар рэгіёна Веніямін Кандрацьеў.
Канал Mash выказвае меркаванне, што ракета магла спрабаваць атакаваць склад гаруча-змазачных матэрыялаў на тэрыторыі вайсковага аэрадрома.