У вёсцы Аброва Івацэвіцкага раёна высах двухсотгадовы дуб-волат. Ён меў выбітную асаблівасць
Фотаздымак памерлага дуба апублікаваў у фэйсбуку фатограф Сяргей Плыткевіч.
Дуб на могілках у вёсцы Аброва. Фота: Сяргей Плыткевіч / Facebook
«Сёння па дарозе ў Пінскі раён не мог не заскочыць у вёску Аброва. Дуб памёр канчаткова», — напісаў Плыткевіч.
Дуб уражвае не толькі сваёй веліччу. На ім было шэсць буслянак.
«Такі тып гнездавання ў цэлым не характэрны для беларускай папуляцыі», — падкрэсліваюць у суполцы «Краіна замкаў. Разам — па Беларусі!».
З шасці буслянак тры аказаліся жылымі, як напісаў Плыткевіч.
Век дуба-волата на могілках вёскі Аброва — больш за 200 гадоў.
Яго прызналі батанічным помнікам прыроды, дуб — пад аховай дзяржавы.