Расія ўдарыла «Іскандэрам» па Первамайскім на Харкаўшчыне, больш за 40 параненых
У горадзе Первамайскі Харкаўскай вобласці 4 ліпеня прагрымеў выбух, пасля якога адбыўся пажар, былі пашкоджаныя аўтамабілі і жылыя дамы. Як пасля высветлілася, гэта быў вынік расійскага ўдару ракетай «Іскандэр», як піша «Украінская праўда».
Фота: Генеральная пракуратура Украіны
Колькасць пацярпелых у выніку ракетнага ўдару па Первамайскім на Харкаўшчыне, па звестках уладаў, узрасла да 43 чалавек. Крыніца: прэс-службы ДСНС, офіса генпракурора ў Telegram, кіраўнік Харкаўскай АВА Алег Сінегубаў у Telegram
Па апошніх звестках, у выніку ўдару па Первамайскім 43 чалавекі атрымалі раненні, з іх 12 дзяцей. 5 асобам медыкі аказалі дапамогу на месцы. Стан пацярпелых — сярэдні і лёгкі.
Па інфармацыі генпракурора Украіны Андрэя Косціна, удар па цэнтры горада расійскія захопнікі нанеслі ракетай «Іскандэр».
Чытайце таксама:
Зяленскі паведаміў, што адзін удар у Сумах прыйшоўся па будынку СБУ
Ва Украіне загінуў камандзір чачэнскага атрада спецназа «Ахмат»