Азаранка і Сасновіч выйшлі ў наступны раўнд Уімблдана
Прычым Сасновіч пачынала гуляць учора, але матч быў перапынены з-за цемры.
Вікторыя Азаранка была ў 2012 годзе першай ракеткай свету. Цяпер гэту вяршыню штурмуе Арына Сабаленка — нумар два ў сусветным рэйтынгу. Фота: Michael Regan / Getty Images
Але беларуска ў двух сэтах адолела іспанку Нурыю Парысас-Дыяс (105 WTA) з лікам 6:2, 6:1. У другім крузе Аляксандра згуляе заўтра з дзявятай ракеткай планеты, чэшкай Петрай Квітавай.
Вікторыя Азаранка ў матчы другога раўнда выйграла ў аргенцінкі Надзі Падароскай — 6:3, 6:0.
У трэцім крузе Азаранка згуляе супраць расіянкі Дар'і Касаткінай (10 WTA). Матч адбудзецца ў суботу.
А Арына Сабаленка заўтра ў матчы другога раўнда згуляе з прадстаўніцай Францыі Варварай Грачовай.
У мінулым годзе беларусы і расіяне не былі дапушчаныя да Уімблдана, а два гады таму Арына дайшла да паўфіналу турніру.
Чытайце таксама:
Сабаленка: Я не збіраюся больш гаварыць пра палітыку
Не вытрымала ціску? Чаму Сабаленка прызналася, што не падтрымлівае вайну