Мама хацела дзецям прыгатаваць марозіва. Эксперымент скончыўся выклікам ратавальнікаў
Мама хацела прыгатаваць дзецям марозіва. Дзеля гэтага ёй давялося скарыстацца электрапрыборам, але нешта пайшло не так.
Фота: МНС
Яе палец захрас у кухонным блэндары, паведамілі ў МНС Беларусі. Хоць прыбор невялікі, ратавальнікам давялося папрацаваць. Іх дзеянні дакладна можна назваць ювелірнымі.
«…Мы з таварышамі ўзялі гравёр — гэта такі спецыяльны электраінструмент, — расказаў выратавальнік Станіслаў Семянькоў. — Працу трэба было рабіць вельмі акуратна, можна сказаць, ювелірна, каб не траўмаваць палец пацярпелай».
Ратавальнікі павольна і акуратна распілавалі нож. Палец вызвалілі, і праца ратавальнікаў на гэтым скончылася. Надышла чарга медыкаў: жанчыну даставілі ў траўматалагічны пункт.