Палітвязня, якога ўжо асудзілі на 6 гадоў, будуць судзіць зноў
Ужо заўтра ў судзе Першамайскага раёна Мінска распачнецца другі суд над палітвязнем Мікалаем Васілевічам. Цяпер яго абвінавачваюць у «фінансаванні тэрарыстычнай дзейнасці» паводле ч. 2 арт. 290-1 КК. Справу будзе разглядаць суддзя Святлана Чараповіч, як піша «Вясна».
6 чэрвеня ў Мінгарсудзе Мікалая Васілевіча асудзілі да 6 гадоў калоніі. Яго абвінавацілі ў фінансаванні «экстрэмісцкага фармавання» (арт. 361-2 КК) і фінансаванні «экстрэмісцкай дзейнасці» (арт. 361-1 КК).
Вядома, што да затрымання мужчына працаваў у Рэспубліканскім цэнтры алімпійскай падрыхтоўкі па лёгкай атлетыцы. У пачатку студзеня КДБ унесла ягонае прозвішча ў «спіс тэрарыстаў».
Чытайце таксама:
Алеся Пушкіна пахаваюць 13 ліпеня на радзіме ў Бабры
Другі дзень суда над Мажэйкам і Юргілевіч. Юлія заявіла, што яе трымаюць у «скоцкіх умовах»