Са знішчанага гатэля ў Бярдзянску ўсю ноч вывозілі целы расійскіх вайскоўцаў — Генштаб Украіны
Ва ўкраінскім Генштабе паведамілі, што са знішчанага гатэля «Дзюна» ў акупаваным Бярдзянску на працягу ночы грузавікамі вывозілі целы расійскіх вайскоўцаў. Пра гэта паведаміў прадстаўнік Генштаба УСУ Андрэй Кавалёў у эфіры тэлемарафону, як піша «УП».
Падчас абстрэлу гасцініцы «Дзюна» ў акупаваным Бердзянску 11 ліпеня загінуў генерал-лейтэнант Алег Цокаў. Ён займаў пасаду намесніка камандуючага Паўднёвай ваеннай акругі.
Паводле ўкраінскага боку, у гасцініцы «Дзюна» жыло ваеннае кіраўніцтва акупантаў.