У Літве затрымалі беларуса з нібыта падробленымі правамі кіроўцы
36-гадовы мужчына, які рухаўся з Польшчы на аўтамабілі з польскімі нумарамі, быў спынены для праверкі каля вёскі Тарнаўка непадалёк ад польска-літоўскай мяжы, паведаміла Дзяржаўная памежная служба Літвы.
Фота: vsat.lrv.lt
На патрабаванне літоўскіх памежнікаў мужчына падаў пашпарт і выдадзенае ў Беларусі пасведчанне кіроўцы, якое «здалося падазроным». Памежнікі выказалі падазрэнне, што яно падробленае.
Фота: vsat.lrv.lt
Цяпер праводзіцца дасудовае расследаванне па факце падробкі дакумента. Калі падазрэнні пацвердзяцца, беларусу пагражае пазбаўленне волі на тэрмін да чатырох гадоў.
Чытайце таксама:
Беларускія памежнікі абвінавацілі літоўскага калегу ў парушэнні мяжы. Літоўцы не пярэчаць
У Варшаве беларуса абрабавалі, пагражаючы ўкалоць шпрыцам з ВІЧ