«Цалуйцеся» — у мінскім парку пасля рэканструкцыі з'явіліся незвычайныя «дарожныя знакі». Глядзіце, якія яны прышпільныя
У парку 50-годдзя Кастрычніка ў Мінску з'явіліся незвычайныя «дарожныя знакі». Яны выкананыя з гумарам, падымаюць настрой і на беларускай мове. Фота знакаў з'явіліся ў Facebook у групе «Падарожнічайце па Беларусі».
Знакі з'явіліся ў парку пасля рэканструцыі.
Усе фота: «Падарожнічайце па Беларусі» / Facebook
Як паведамляла выданне «Мінск-навіны», рэканструкцыю парку пачалі летась. Тут часткова адрамантавалі асфальтаваныя дарожкі, прывялі ў парадак плітачнае пакрыццё, усталявалі 35 новых апор асвятлення, правялі расчыстку парка, нанеслі разметку для веласіпедыстаў.
Таксама тут паставілі арт-аб'екты. Адно і іх — святлафоравае дрэва.
Рэканструкцыя парку працягваецца.