Крэмль адказаў на заявы Польшчы аб перакідванні вайскоўцаў да Беларусі
Дзмітрый Пяскоў заявіў, што Расія вядзе працу пасля заявы Польшчы аб перакідванні вайскоўцаў да Беларусі.
Сумесная калабарацыя беларускіх вайскоўцаў і вагнераўцаў на палігоне «Брэсцкі». Фота: Мінабароны
Варожае стаўленне да Расіі і Беларусі — гэта «падстава для павышанай увагі», заявіў прэс-сакратар прэзідэнта Расіі Дзмітрый Пяскоў. Так ён адказаў на заявы Польшчы аб перакідванні дадатковых вайскоўцаў да ўсходняй мяжы NATO побач з Беларуссю.
«Праца вядзецца. Безумоўна, гэта выклікае занепакоенасць. Гэта рэальнасць, сапраўды, агрэсіўнасць Польшчы, такое варожае стаўленне і да Беларусі, і да Расійскай Федэрацыі. Вядома, гэта падстава для павышанай увагі», — заявіў Пяскоў, піша РБК.
Пра тое, што Польшча пачала ўмацоўваць усходнюю мяжу пасля паведамленняў аб «пераездзе» ПВК «Вагнер» у Беларусь, паведамляла Генеральнае камандаванне краіны ў пачатку ліпеня. «Мы ўмацоўваем сваю прысутнасць ва ўсходняй Польшчы. 1 тысяча салдат і амаль 200 адзінак тэхнікі з 12-й і 17-й механізаваных брыгад перамесцяцца на ўсход Польшчы», — гаварылася ў паведамленні вайскоўцаў.
Іх планавалася перакінуць у Падляшша.
Чытайце таксама: