Лукашэнка пакуль застаецца ў Расіі?
Лукашэнка вылецеў у суседнюю краіну ў суботу вечарам і два дні вёў перамовы з Пуціным.
Мяркуючы з усяго, ягоны самалёт усё яшчэ знаходзіцца ў Расіі. «Боінг» з бартавым нумарам EW-001PA, здаецца, дагэтуль знаходзіцца ў аэрапорце «Пулкава» ў Санкт-Пецярбургу, заўважыў ноччу Reform.by.
Як сведчаць звесткі сэрвісу radarbox.com, станам на раніцу самалёт таксама застаецца ў Расіі.
Карта radarbox.com
Карта radarbox.com
Лукашэнка вылецеў у Расію ў суботу вечарам. У нядзелю ён вёў там перамовы з Уладзімірам Пуціным, кантакты працягнуліся і ў панядзелак. Напрыклад, учора ён пабываў з Пуціным на востраве Валаам у Карэліі, дзе прыклаўся да мошчаў.
Гэта ўжо шостая сустрэча з кіраўніком Расіі ў 2023 годзе. Усе яны былі на расійскай тэрыторыі.