Нямецкі футбольны клуб устанавіў унікальны рэкорд: на полі было адразу трое братоў
А галоўны трэнер — іх бацька.
Берлінская «Герта» ўстанавіла ўчора ўнікальны рэкорд. Гэта адбылося ў матчы супраць дзюсельдорфскай «Фартуны» ў першым туры другой Бундэслігі.
У каманды на полі адначасова знаходзілася трое родных братоў — венграў Дардаі.
У стартавым складзе выйшаў на поле Мартан Дардаі, а на замену выйшлі Пал (Палка) і Бэнцэ.
Да таго ж клуб трэніруе іх бацька Пал Дардаі, які ў свой час гуляў за «Герту» з 1997 па 2011 год.
Ягоны бацька Пал Дардаі таксама быў прафесійным футбалістам, а затым трэнерам.
«Герта», якая ў мінулым сезоне вылецела з Бундэслігі, прайграла ў выніку «Фартуне» 0:1.