Гледачы змогуць наведаць спаборніцтвы II Гульняў краін СНД бясплатна
У пятніцу, 4 жніўня, у Беларусі стартуюць II Гульні краін СНД. Для гледачоў уваход на спаборніцтвы будзе абсалютна свабодным, паведамляюць «Мінск-Навіны».
Каб наведаць гульні бясплатна, не трэба мець квіткоў ці якіх-небудзь дакументаў. У сталіцы на працягу дзевяці дзён можна заўзець за любімыя каманды па такіх відах спорту, як пляжны футбол, валейбол, мастацкая гімнастыка, міні-футбол, стрытбол, стральба і лёгкая атлетыка.
З падрабязным раскладам спаборніцтваў можна азнаёміцца па спасылцы.
II Гульні краін СНД пройдуць з 4 па 14 жніўня ў 11-ці гарадах Беларусі. Атлеты вызначаць наймацнейшых у 20-ці відах спорту. Цырымоніі адкрыцця і закрыцця пройдуць 5 і 13 жніўня на «Мінск-Арэне».
Чытайце таксама:
У Мінску пачалі прадаваць новыя карты госця горада. Што гэта такое, колькі каштуе і навошта трэба?
Праз Гульні краін СНД гарачую ваду ў Мінску адключаць не будуць