За падпіску на «экстрэмісцкія» старонкі аштрафавалі шматдзетную маці
Суддзя Дубровенскага раёна Марыя Цыклінская 15 чэрвеня за падпіску на «экстрэмісцкія» інфармацыйныя рэсурсы ў сацыяльных сетках пастанавіла аштрафаваць на 370 рублёў маці траіх малалетніх дзяцей Святлану Маталыгіну, піша «Вясна».
У судовым пасяджэнні быў устаноўлены факт таго, што «правапарушальніца» з дапамогай тэлефона з 2020 года ў «Аднакласніках» мела падпіску на інфармацыйную прадукцыю ў дзвюх групах, уключаных у рэспубліканскі спіс экстрэмісцкіх матэрыялаў. Міліцыя выявіла гэтую інфармацыю падчас маніторынгу інфармацыйных рэсурсаў у інтэрнэце.