На поўдні Швецыі і Нарвегіі праз непагадзь адмяняюць цягнікі і паромы
У Нарвегіі, дзе месцамі абвешчана чырвонае папярэджанне, чыгуначны аператар SJ Norge паведаміў аб адмене ўсіх цягнікоў на лініі Dovrebanen паміж Осла і Тронхеймам і яшчэ двух кірунках на 7-8 жніўня. Атмасферны фронт ужо дасягнуў поўдня Швецыі, паведамляюць NRK і Aftonbladet.
Meteorologisk Institute
У выніку залеваў месцамі падтапіла дарогі, а вакол гарадка Еўле амаль 19 тысяч чалавек засталіся без святла.
Адменены паромы са Швецыі ў Польшчу праз Балтыйскае мора, але цягнікі пакуль курсуюць без значных праблем.
Аэрапорт Стакгольма прымае рэйсы, але з вялікімі затрымкамі, а асобныя самалёты накіравалі ў іншыя аэрапорты.
Эрэсунскі мост, які злучае Данію і Скандынаўскі паўвостраў, для руху не закрываюць, але раяць пазбягаць паездак буйным грузавікам, каб іх не перакуліла ветрам.
У Нарвегіі прагназуюць, што залевы могуць аказацца самымі магутнымі за апошнія 25 гадоў.
Чытайце таксама:
У Беларусі ўчора была зафіксавана самая высокая тэмпература за апошнія два леты
На сёння абяцаюць складаныя ўмовы надвор'я: моцныя дажджы, навальніцы, град
Як гарачая ванна. Сусветны акіян пабіў тэмпературны рэкорд усіх часоў, і гэта толькі пачатак