У расійскім Дамадзедаве ўспыхнуў моцны пажар
У Дамадзедаве, за 10 кіламетраў ад аэрапорта, прагрымелі выбухі, пасля якіх пачаўся пажар.
У расійскім горадзе Дамадзедава Маскоўскай вобласці ноччу 10 жніўня прагрымелі выбухі, пасля чаго ўспыхнуў моцны пажар, паведамляюць расійскія СМІ.
Як паведамляе «Astra» са спасылкай на словы відавочцаў, у Дамадзедаве прагрымелі выбухі, пасля якіх пачаўся пажар. Інфармацыю аб моцным пажары ў Дамадзедаве пацвярджаюць іншыя расійскія паблікі.
«РІА Навіны» напісала са спасылкай на рэгіянальнае МНС, што гарыць аўтасэрвіс на плошчы 1 тыс. кв. м.
Расійскі Telegram-канал «Shot» сцвярджае, спасылаючыся на мясцовых жыхароў, што прычынай пажару стаў выбух балонаў з газам.