Лукашэнка павіншаваў музей Якуба Коласа з 50‑годдзем
Аляксандр Лукашэнка павіншаваў калектыў Дзяржаўнага літаратурна‑мемарыяльнага музея Якуба Коласа з 50‑гадовым юбілеем гэтай установы.
«За гэты перыяд музей ператварыўся ў сапраўдную скарбніцу жыццёвай і творчай спадчыны класіка айчыннай літаратуры.
У яго залах перад наведвальнікамі паўстае шматгранны вобраз знакамітага пісьменніка, дзяржаўнага і грамадскага дзеяча, вучонага, педагога, які да апошніх хвілін шчыра і самааддана служыў Радзіме», — адзначаецца ў віншаванні.
Кіраўнік дзяржавы пажадаў супрацоўнікам музея поспехаў у высакароднай справе захоўвання скарбаў нацыянальнай літаратуры, ажыццяўлення новых планаў, здароўя і дабрабыту.