Латвія заваявала 5-е месца на чэмпіянаце свету па баскетболе
У матчы за 5-е месца яна сёння разграміла Літву з лікам 98:63 (28:20, 21:18, 28:9, 21:16).
Фота: FIBA basketball
Зборная Латвіі брала ўпершыню ўдзел у чэмпіянаце свету па баскетболе, і адразу такі поспех. У чэмпіянаце свету бралі ўдзел 32 каманды.
Прычым, у адрозненне ад літоўцаў, супернікі ў падапечных італьянскага трэнера Лукі Банкі былі больш сур'ёзныя.
На першым этапе яны абыгралі на апошніх хвілінах Францыю, у наступным этапе таксама на апошніх хвілінах перайгралі чэмпіёнаў свету зборную Іспаніі, затым з розніцай у 20 ачкоў разграмілі Бразілію.
У чвэрцьфінале Латвія прайграла з розніцай у два ачкі Нямеччыне, не здолеўшы за чатыры секунды да канца сустрэчы закінуць пераможны трохачковы. У суцяшальным турніры перамаглі Італію.
Заўтра ў матчы за 3-е месца сустрэнуцца ЗША і Канада, а фінал разыграюць еўрапейскія зборныя Нямеччыны і Сербіі.
Нямеччына, дарэчы, у паўфінале перамагла каманду ЗША.
Зборная Літвы мае куды большы досвед удзелу ў чэмпіянатах свету. Найлепшым дасягненнем літоўцаў з'яўляецца 3-е месца на ЧС у 2010-м годзе і 4-е ў 2014-м годзе.
Зборныя Беларусі і Расіі выключаныя з міжнародных спаборніцтваў праз вайну ва Украіне.
Чытайце таксама:
Латвія працягвае пісаць казку. Гэтым разам баскетбольную
Цуд у Джакарце: зборная Латвіі вырвала на апошніх хвілінах перамогу ў Іспаніі
Для гульца зборнай Сербіі чэмпіянат свету па баскетболе скончыўся на аперацыйным стале