Ноч з пятніцы на суботу будзе вельмі цёплая, месцамі нават трапічная. Што гэта значыць
Як піша тэлеграм-канал @nadvorie, ноч з 22 на 23 верасня будзе надзвычай цёплай, а на захадзе краіны можа быць нават трапічнай.
Трапічная ноч — гэта калі тэмпература паветра ўначы не апускаецца ніжэй за +20°С. І гэта ў канцы верасня.
Тэлеграм-канал @nadvorie нагадвае, што дзень восеньскага раўнадзенства сёлета наступіць у 09:50 у суботу, 23 верасня.