Беларускіх і расійскіх спартоўцаў вяртаюць на Паралімпіяду
Большасць членаў Міжнароднага паралімпійскага камітэта (МПК) прагаласавалі за скасаванне поўнай забароны на ўдзел беларускіх і расійскіх спартоўцаў у Паралімпійскіх гульнях, якія адбудуцца ў Францыі ў 2024 годзе, паведамляе «Радыё Свабода».
Праход беларускай дэлегацыі на адкрыцці Паралімпійскіх гульняў у Токіа ў 2021 годзе. Фота: Carmen Mandato/Getty Images
Як паведаміла агенцтва AFP, увечары 29 верасня МПК вырашыць, на якіх умовах яны змогуць удзельнічаць — выходзіць на спартыўныя пляцоўкі пад дзяржаўным ці алімпійскім сцягам.
МПК забараніў расійскім і беларускім спартоўцам удзельнічаць у спаборніцтвах, а таксама прыпыніў дзейнасць Паралімпійскіх камітэтаў абедзвюх краін пасля ваеннага ўварвання Расіі ва Украіну ў лютым 2022 года, якое падтрымаў рэжым Аляксандра Лукашэнкі.
Чытайце таксама:
Талай анансаваў прывоз у Беларусь новых груп украінскіх дзяцей
Кіраўнік World Athletics: Наўрад ці беларускія і расійскія лёгкаатлеты трапяць на Алімпіяду ў Парыжы
Рашэнне аб удзеле беларусаў у Алімпіядзе-2024 не будзе прынята восенню — МАК