У Гродне адны выкінулі кавуны, іншыя ледзь за іх не пабіліся
Не самая прыгожая сітуацыя трапіла на відэа ў адным з двароў раёна Фолюш у Гродне.
Да смеццевай пляцоўкі пад'ехаў мікрааўтобус, з яго выйшлі двое мужчын і сталі выгружаць у кантэйнер дзясяткі кавуноў. Імаверна, гэта былі непрададзеныя або сапсаваныя лішкі тавараў, піша newgrodno.by.
«Але самае цікавае пачалося потым. Хтосьці з тых, хто праходзіў міма, заўважыў, што адбываецца, і адправіўся проста ў кантэйнер па кавуны. Потым з'явілася яшчэ некалькі чалавек. У нейкі момант яны ледзь бойку за кавуны не зладзілі. Выглядала гэта не вельмі прыгожа», — распавяла аўтарка відэа.