У мінскіх кватэрах сёння пачнуць уключаць ацяпленне
У Мінгарвыканкаме прынята рашэнне аб уключэнні з сённяшняга дня ацяплення ў жыллёвым фондзе, інтэрнатах, агульнагарадскіх лазнях, установах адукацыі, тэатрах, паведамляе Мінгарвыканкам.
Фота: БелТА
Падача цяпла ў кватэры адбываецца не за адзін раз. Пуск ацяплення займае 3-5 дзён.
У сацыяльных аб'ектах сталіцы ацяпляльны сезон пачаўся 6 кастрычніка.
Тады цяпло атрымалі школы і дашкольныя ўстановы, установы аховы здароўя і іншыя спажыўцы першай чаргі.