71-гадовага Васіля Дземідовіча праз тыдзень пачнуць судзіць ужо сёмы раз
У Старых Дарогах 19 кастрычніка распачнецца суд над палітзняволеным Васілём Дземідовічам. Гэтым разам яго абвінавачваюць паводле арт. 369 КК (абраза прадстаўніка ўлады) і арт. 368 КК (абраза Лукашэнкі). Справу будзе разглядаць суддзя Наталля Зык, піша «Вясна».
Васіль Дземідовіч
Гэта ўжо сёмы суд над пенсіянерам. Агулам яго асудзілі на 7 гадоў пазбаўлення волі, пры гэтым вынік апошніх двух судоў пакуль невядомы.
У зняволенні Васіля Іванавіча ўтрымліваюць ужо амаль год і чатыры месяцы.
У сувязі з тым, што палітзняволенага ўнеслі ў «спіс тэрарыстаў», яму няможна рабіць грашовыя пераводы. Апроч гэтага, у Васіля няма сваякоў, якія маглі б яго падтрымаць.
За апошні год пенсіянер перажыў дзясяткі этапаў. Этапуюць палітвязняў у цяжкіх умовах — таму гэта пакідае вельмі дрэнны адбітак на здароўі Васіля.
Чытайце таксама:
Праваабаронцу Насту Лойка ўнеслі ў «спіс тэрарыстаў»
У Брэсце асудзілі майстра цеплавых сетак, які нібыта абразіў і Лукашэнку, і Галоўчанку
Дачку глыбоцкага журналіста Змітра Лупача Святлану пачнуць судзіць 16 кастрычніка