«Надзеты пояс з выбухоўкай». У Брэсце затрымалі лжэмінёра цягніка
Нібыта выбух павінен быў адбыцца на станцыі «Жабінка», паведамляе СК.
Ілюстрацыйнае фота «Наша Ніва»
15 кастрычніка ў міліцыю патэлефанаваў мужчына і паведаміў, што на ім надзеты пояс з выбухоўкай, якая выбухне калі цягнік пройдзе далей чыгуначнай станцыі «Жабінка».
Неўзабаве ілжэмінёра затрымалі. Ім аказаўся 40-гадовы непрацуючы раней неаднаразова судзімы жыхар Драгічынскага раёна.
Заведзена крымінальная справа па ч. 1 арт. 340 (загадзя ілжывае паведамленне аб небяспецы). Санкцыя прадугледжвае да пяці гадоў калоніі.