На трасе М1 Audi збіла двух пешаходаў. Мужчына загінуў
Па даных следства, увечары 16 кастрычніка 50-гадовая кіроўца Audi на 386-м кіламетры аўтадарогі М1 здзейсніла наезд на двух пешаходаў, якія пераходзілі праезную частку ў забароненым месцы.
Скрын відэа
Ад атрыманых траўмаў 45-гадовы мужчына памёр на месцы здарэння, а яго спадарожніца — 34-гадовая жыхарка Оршы — з цяжкімі траўмамі дастаўлена ў бальніцу.
Смалявіцкім раённым аддзелам Следчага камітэта ўзбуджана крымінальная справа па ч. 2 арт. 317 (парушэнне правілаў дарожнага руху, якое пацягнула па неасцярожнасці смерць чалавека, прычыненне цяжкіх цялесных пашкоджанняў) Крымінальнага кодэкса Беларусі.