Жыхара Наваполацка арыштавалі на 30 сутак за «экстрэмісцкія» падпіскі і фота з БЧБ-сцягам
Судзіла Дзмітрыя Тарбеева сумнавядомая суддзя Балаболава.
Дальнабойшчыка Дзмітрыя Тарбеева затрымалі супрацоўнікі ГУБАЗіКа 10 кастрычніка ў Наваполацку. У ягоным тэлефоне на старонцы ў Instagram сілавікі знайшлі падпіскі на «Радыё Свабода», «Белсат» і «Краіну для жыцця», а таксама фота з бел-чырвона-белымі сцягамі, піша «Вясна».
За гэта супраць мужчыны склалі адразу два адміністрацыйныя пратаколы:
- па арт. 19.11 КаАП (распаўсюд экстрэмісцкіх матэрыялаў),
- па арт. 24.23 КаАП (несанкцыянаванае пікетаванне).
11 кастрычніка над Тарбеевым адбыўся суд. Дзмітрый сваю віну прызнаў, але адмовіўся даваць паказанні.
Суддзя Зінаіда Балаболава прызнала Тарбеева вінаватым і асудзіла да 30 сутак арышту.
Чытайце таксама:
За распаўсюд «экстрэмізму» на 15 сутак арыштавалі рабочага завода «Палімір»
У Наваполацку за чатыры падпіскі ў фэйсбуку на 15 сутак арыштавалі фельчара