У Тарэспалі часова прыпынілі афармленне транспарту. А іншых шляхоў у Польшчу няма
Там праводзіцца рамонт дарожнага пакрыцця.
Фота: ДПК
З 14:30 ў пункце пропуску Тарэспаль (сумежны беларускі — Брэст) ажыццяўляецца рамонт дарожнага пакрыцця. У сувязі з гэтым пропуск легкавога транспарту на польскі бок часова прыпынены.
Дзяржаўны памежны камітэт рэкамендуе ўлічваць гэту інфармацыю і выбіраць альтэрнатыўныя маршруты руху.
Але праблема ў тым, што іншага памежнага пераходу для легкавога транспарту на мяжы з Польшчай няма.