У Мінску злодзей са скрадзеных грошай даў таксісту дзве тысячы даляраў «на піва». Колькі ж ён скраў?
Мінчук звярнуўся ў Фрунзенскае РУУС з заявай аб знікненні амаль 40 тысяч рублёў (у эквіваленце). Ён планаваў купіць аўтамабіль, але нешта пайшло не так, паведаміла «Міліцыя Мінска».
Фота: БелТА
Мужчына расказаў, што апошні раз бачыў барсетку падчас сустрэчы са знаёмай у парку. Там ён заснуў на лаўцы, а калі прачнуўся — ні жанчыны, ні грошай не было.
Супрацоўнікі міліцыі высветлілі асобу мінчанкі, аднак яна аказалася ні пры чым.
Затым яны дазналіся, што грошы скраў 28-гадовы мінак: ён заўважыў у скверы спячага мужчыну і забраў чужую барсетку.
Грошы ён патраціў на розныя забавы, у тым ліку саўну, а таксама пакінуў дзве тысячы даляраў таксісту ў якасці гасцінца «на піва».
Чытайце таксама:
Гарадзенец скраў дзве дарагія карціны і кінуў іх на вуліцы